वीरगंज, ३० फागुन । वीरगंज तेक्वान्दो डोजाङमा बेल्ट ग्रेडिङ परीक्षा भएको छ। बेल्ट ग्रेडिङमा खेलाडीहरुले तेक्वान्दो सीप प्रदर्शन गरेका थिए। विभिन्न बेल्टका लागि विद्यार्थीहरूले आधारभूत प्रविधि, किक, पुम्से तथा आत्मरक्षासम्बन्धी अभ्यास प्रस्तुत गरेका थिए। प्रशिक्षकहरूले विद्यार्थीहरूको प्रदर्शन, अनुशासन र प्राविधिक दक्षताको आधारमा मूल्याङ्कन गरेका थिए।
डोजाङ प्रमुख महमद साकिल तथा अन्तर्राष्ट्रिय तेक्वान्दो खेलाडी महमद वेशको नेतृत्वमा आयोजना गरिएको कार्यक्रममा मैस्कट एकेडेमीका निर्देशक विजय साह, मनीष कुशवाहा, प्रशिक्षक मन्सुर महमद, राजेन्द्र खड्गी र बिक्रान्त डंगोलको, अन्तर्राष्ट्रिय खेलाडी अफताब आलम, सन्तोष रौनियार, प्रथम बर्नवाललगायत खेलाडीहरूको उपस्थिति रहेको थियो।
