पटेर्वा सुगौली–५ मा एमालेको क्षेत्रीय सम्पर्क कार्यालय उद्घाटन, विकासमा प्रतिबद्धता

वीरगंज, ०७ फागुन । पर्साको पटेर्वा सुगौली गाउँपालिका–५ मा नेकपा एमालेको क्षेत्रीय सम्पर्क कार्यालय उद्घाटन गरिएको छ। पर्सा क्षेत्र नम्बर ३ का प्रतिनिधिसभा सदस्य पदका उम्मेदवार रूपेश पाण्डेले कार्यालयको औपचारिक उद्घाटन गरेका हुन्।

उद्घाटन समारोहलाई सम्बोधन गर्दै उम्मेदवार पाण्डेले यसपटक भाषणमा सीमित नभई चुनाव जितेपछि जनताको समस्याको समाधान र समाजको समग्र विकासमा पूर्ण रूपमा समर्पित हुने प्रतिबद्धता व्यक्त गरे। उनले स्थानीय तहमा विकास निर्माण, रोजगारी सिर्जना, शिक्षा तथा स्वास्थ्य क्षेत्रलाई प्राथमिकतामा राखेर काम गर्ने बताए।

कार्यक्रममा पूर्व मन्त्री एवं नेकपा (एमाले)का नेता प्रमोद जैसवाल, पूर्व गाउँपालिका अध्यक्ष हरिनारायण चौधरी लगायतका नेताहरूको उपस्थिति रहेको थियो। कार्यक्रममा पार्टीका नेता–कार्यकर्ता, स्थानीय बासिन्दा तथा समर्थकहरूको उल्लेखनीय सहभागिता देखिएको थियो।