मानव सेवाद्वारा गर्भवती महिलाको उद्धार

वीरगंज, १२ असोज । मानव सेवा आश्रमले वीरगंज महानगरपालिका–१४ बहुअरीबाट शनिवार राति एकजना गर्भवती महिलाको उद्धार गरेको छ । मानसिक अवस्था ठीक नभएको ३० वर्षकी गर्भवती महिलाको सडकबाट उद्धार गरी मानव सेवा आश्रममा ल्याइएको आश्रमका मधेस प्रदेश संयोजक देवेश गुप्ताले जानकारी दिए । नाम तथा ठेगाना बताउन नसक्ने उक्त महिलाको उपचार गरिने सामजिक अभियन्ता प्रकाश थारूले जनाएका छन् ।