वीरगंज, १४ असाेज । नेपाली कांग्रेसको १५ औँ महाधिवेशन अन्तर्गत पर्सा निर्वाचन क्षेत्र नम्बर–१ को क्षेत्रीय कार्यसमितिका चार जना पदाधिकारी निर्विरोध निर्वाचित भएका छन्।
नेपाली कांग्रेस जिल्ला निर्वाचन समिति, पर्साले जारी गरेको सूचनाअनुसार क्षेत्रीय सभापतिमा अनिल प्रसाद सिंह निर्विरोध निर्वाचित भएका छन्। त्यसैगरी क्षेत्रीय सचिवमा हरि प्रसाद यादव, सहसचिवमा सज्जाद हुसैन समानी र महिला सहसचिवमा कल्पना खड्का निर्विरोध निर्वाचित भएका हुन्।
निर्वाचन समितिका अनुसार तोकिएको निर्वाचन प्रक्रियाअन्तर्गत सम्बन्धित पदमा एकभन्दा बढी उम्मेदवारी नपरेपछि उनीहरू निर्विरोध निर्वाचित भएका हुन ।
